Guztiok al dugu nortasun digitala?
Nortasu digitalaren saioan izan ostean, guretzat esanguratsuenak izan ziren ideiak aipatuko ditugu. Izan ere, guztiok dugu nortasun digital bat eta haren inguruko ezagutza minimo bat izatea ez dator gaizki.
Batetik, arrasto digitala dugu, zeinak esplizitua edo inplizitua izan daitekeen. Lehenengoari dagokionez, norbanako bakoitza nahita edo era kontzientean uzten duen arrastoa da; hala nola, sare sozialetara igotako argazkiak. Aldiz, inplizituak, erabilitako zerbitzuak gordetzen duten informazioari dagokio. Adibidez, zein ordutan sartu eta ateratzen zaren sare sozialetan, zein bilaketa egiten dituzun sarean...
Honek guztiak gure arrasto digitala osatzen du. Hau da, gure profila. Zer gustatzen zaidan "erabakitzen" du modu batean, gure zaletasunen araberako eskaintza egiten baitigu. Honekin loturik daude cookie-ak, nabigazioa pertsonalizatua izatea ahalbidetzen duena. Tresna honen bitartez guri buruzko informazioa gordetzen da. Hortaz, esan daiteke helburu komertziala duela.
" Produktua dohainik erabiltzen baduzu, produktua zu zara."
Eta hemen non sartzen da pribatutasuna? Gero eta datu gehiago eman, orduan eta profil osatuago bat sortzeko aukera dute. Ez gara konturatzen gure egunerokotasunean ematen ditugun datu guztietaz. "Arazo" hau dela eta, Ahanzturarako eskubidea (Derecho del olvido) ezarri zen, zeinak aukera ematen digun sarean guri buruz argitaratuta dagoena ezabatua izateko.
Beraz, zer egin dezakegu ahal den neurrian ez hain kontrolatuak izateko?
Pribatitasun ezarpenak errebisatu
Aplikazioen baimenak murriztu
Zerbitzen erabilera kontzientea egin
Tresna lagungarriak: Privacy Badget, Adblock Badget, Tor
Bestetik, Nortasun digitala kontutan hartzeko beste kontzeptu garrantzitsua da. Interneten guri buruz eskuragarri dagoen informazioa da hain zuzen ere. Informazio hau guk igotako argazki, bideo edo bestelako publikazion bitartez lortzen da. Baina ez soilik guk kontzienteki egiten dugun erabileratik, baizik eta sare sozialetako edozein jardueren bitartez ere lortzen da; sare sozialetan noiz sartzen garen, noiz atera, ze ordutan erabiltzen dugun gehien, egindako bilaketak, entzundako musika...
Hau guztia kontutan harturik, esan daiteke gutako bakoitzak birtualki bizia duela, norbere gustuekin osaturiko munduaz inguraturik.